مولانا احمد رضا بجنوری

حضرت مولانا احمد رضا بجنوری کی وفات حسرت آیات
دینی ومذہبی اورعلمی دنیاکاایک اورچراغ بجھ گیا ۔حضرت مولانا احمد رضا بجنوری ۹۴ سال کی عمر میں مختصر سی علالت کے بعد انتقال فرماگئے ۔اناﷲ وانا الیہ راجعون ۔
۲۲؍رمضان المبارک ۱۴۱۸ھ مطابق ۲۲؍ جنوری ۱۹۹۸ء کوحضرت مولانا احمد رضا بجنوری کاانتقال ہوا۔جیسے ہی یہ خبر دفتر برہان میں پہنچی سب ہی رنج وغم میں ڈوب گئے۔کیونکہ حضرت مولانا احمد رضا بجنوری کاتعلق، واسطہ اور رابطہ ادارہ ندوۃ المصنفین اوررسالہ برہان سے روز اول ہی سے رہا۔ادارہ کے بانی مفکر ملت حضرت مفتی عتیق الرحمن عثمانیؒ سے حضرت مولانا کابھائیوں سے بھی بڑھ کرقلبی تعلق رہا۔ایک توہم سبق ہونے کی وجہ سے اوردوسرے استاد محترم حضرت مولانا انور شاہ کشمیری ؒ کے چونکہ مولانا احمد رضا داماد تھے اس لیے استاد کے داماد ظاہر ہے بھائی اور بہنوئی ٹھہرے۔
اسی وجہ سے حضرت مفتی صاحبؒ مولانا احمد رضا کو بہت ہی چاہتے تھے ان سے قلبی محبت اور لگاؤ رکھتے تھے۔اوراسی رشتہ سے حضرت مولانااحمد رضا بھی حضرت مفتی صاحبؒ کو بڑے بھائی کی حیثیت سے سمجھتے تھے۔ہرمعاملے میں ان کی رہنمائی کواپنے لیے ضروری سمجھتے تھے۔
حضرت مولانا احمد رضا بجنوری عربی زبان کے زبردست عالم تھے۔عربی پرخدا داد عبور حاصل تھا اوراسی طرح اردوزبان پربھی انہیں ملکہ حاصل تھا۔ان کی عربی زبان اوراردو زبان میں زبردست تصانیف ہیں۔ان کی مشہور ومعروف کتاب ’انوار الباری‘ (کئی ضخیم جلدوں میں) اعلیٰ درجہ کی علمی کتابوں میں شمار ہوتی ہے۔ انہوں نے بلندپایہ تصانیف قلم بندکی ہیں۔جسے زبردست علمی ذخیروں میں شمار کیا جاتا ہے۔
اﷲ تعالیٰ کروٹ کروٹ جنت نصیب کرے۔ آمین۔ادارہ ندوۃ المصنفین اوررسالہ برہان حضرت مولانا احمدرضا بجنوری کے انتقال پُرملال پر اظہار تعزیت کرتا ہے اور بارگاہ عالی میں دعا گو ہے کہ حضرت مولانااحمد رضا بجنوری کی مغفرت فرمائے اور ہم سب کو صبر...