پیش لفظ

شک سے دشت بہیں ، آہ سے دریا سوکھیں
مچھلیاں دشت میں پیدا ہوں ، ہرن پانی میں
کوئی بھی بات کہنے کوبہت چھوٹی یا معمولی ہوتی ہے ، مگر اس بات کا فہم ، ادراک اورسب سے بڑھ کر اس پر تفکر اس کو اعلیٰ اور عظیم بنا دیتا ہے۔ کہنے کو اس دنیائے فانی میں میں کتنے لوگ پیدا ہوئے اور کتنے مر گئے۔ ان میں سے بہت سارے گمنامی کی موت مر جاتے ہیں اور ان کی زندگی کی تلخیوں کے بارے کسی کو خبر تک نہیں ہوتی اور نا ہی ان کے شگفتہ اخلاق لوگوں پر آشکار ہوتے ہیں۔ اس کے بر عکس بہت کم لوگ ایسے ہوتے ہیں، کہہ لیں آٹے میں نمک کے برابر، جو اپنی بات کو منجھے ہوئے انداز میں کرتے ہیں کہ اگلا بندہ ان کی بات سنتے ہی فریفتہ ہو جاتا ہے اور تعریف کرنے پر مجبور ہو جاتا ہے ۔ انگریزی ادب میں ایسی ہی ایک شخصیت سر فرانسیس بیکن ہے، جن کی زندگی دنیا کے تلخ و شیریں تجربات سے گزر کر کندن بن گئی تھی ۔ اپنی زندگی کے تجربات کی روشنی میں انہوں نے بہت سے مضامین لکھے جو کہ حقیقتاً تعریف کے قابل ہیں ۔ یہ کتاب جو آپ کے ہاتھوں میں ہے یہ سر فرانسیس بیکن کے مضامین کا اردو ترجمہ ہے۔ میں نے بارہا اس بارے میں سوچا۔ کچھ مخلص دوستوں کے کہنے پر اس بارے قلم اٹھایا اور بیکن کے کچھ مضامین کو اردو کے قالب میں ڈھال دیا ۔ گو کہ یہ مشکل کام تھا مگر میری زندگی کایہ تجربہ بہت خوش گوار رہا ۔ میں اُس باری تعالی کا بڑا شکر گزار ہوں جس نے مجھے اس معاملے میں قلم اٹھانے کی طاقت دی اور اسے تکمیل بخشی۔

ڈاکٹر محمد قاسم علی رانا
پی...