Home > Study of the Nearest Neighbor Spacing Momentum Distributions of Carbon Carbon Interactions at 4. 2 a Gev/ C in Lab System
Sidra Kanwal
Zafar Wazir
Mphil
Riphah International University
Private
Islamabad
Pakistan
2016
Completed
xv, 62 . : ill. ; 30 cm. +CD
Physics
English
Submitted in fulfillment of the requirements for the degree of Master of Philosophy in Physics faculty of Basic Sciences and Humanities.; Includes bibliographical references; Thesis (M.Phil)--Riphah International Univeristy, 2016; English; Call No: 530 SID
2021-02-17 19:49:13
2023-02-19 12:33:56
1676711347059
مرزا سلطان احمد
افسوس ہے کہ اعظم گڑھ کی ممتاز مقبول شخصیت مرزا سلطان احمد صاحب رٹائر ممبر بورڈ آف ریونیو نے طویل علالت کے بعد گزشتہ ۱۷؍ فروری کو انتقال کیا وہ پرانے علیگ اور اپنے زمانہ کے لائق ترین عہدہ داروں میں تھے، اپنی قابلیت سے ڈپٹی کلکٹری سے کلکٹری اور بورڈ کی ممبری تک ترقی کی اور جہاں رہے اپنی دیانتداری اور شرافت سے مقبول و نیک نام رہے، بڑے عہدہ داروں میں ایسے شریف اور خلیق انسان کم دیکھنے میں آئے ہیں، ان کا خمیر ہی اخلاق و شرافت سے گوندھا گیا تھا، ادنی و اعلیٰ ہر شخص کے ساتھ ان کا اخلاق یکساں تھا، ہر ملنے والے کے ساتھ کوئی نہ کوئی ایسی خصوصیت ضرور برتتے تھے جس سے اس کو یہ محسوس ہوتا کہ وہ اس کے ساتھ خاص تعلق رکھتے ہیں۔
بڑے وضعدار، فیاض اور مہمان نواز تھے جس سے جس قسم کے تعلقات تھے، اس کو عمر بھر نباہا، ملازمت کے زمانہ میں ان کا دستر خوان بڑا وسیع اور گھر مستقل مہمان خانہ تھا، ان کے اعزہ و احباب میں سے کوئی نہ کوئی ان کے یہاں مستقل مقیم رہتا تھا اور جس کو ضرورت ہوتی اس کی نقدی سے بھی مدد کرتے تھے، ہر حاجت مند کی مدد کے لیے ہر وقت تیار رہتے تھے اور اس کے لیے ایسے کام کر گزرتے تھے جس کی ہمت ہر شخص نہیں کرسکتا، وہ بڑے تنخواہ دار تھے لیکن جو کچھ کمایا سب صرف کردیا، اعظم گڑھ میں دو ہی ایسے شخص تھے جنھوں نے بہت پیدا کیا، مگر اپنے بعد کچھ نہیں چھوڑا، ایک مرزا صاحب، دوسرے اقبال سہیل مرحوم ملازمت سے ریٹائر ہونے کے بعد حکومت نے ان کے سامنے پبلک سروس کمیشن کی ممبری پیش کی، مگر انھوں نے وطن چھوڑنا پسند نہ کیا اور اعظم...