احمد سعید اعوان

احمد سعید اعوان

لائلپور/فیصل آباد کی سب سے قد آور شخصیت جن کی خطابت ،عوام دوستی،ایمان داری ، سیاسی فہم و فراست ،قائدانہ تدبر انھیں ماضی ،حال اور مستقبل میں فیصل آباد کے سب سے معتبر و ممتاز سیاست دان کے مقام پر فائز رکھیں گے ۔انہوں سیاسی کارکن کی حیثیت سے پی پی پی کے قیام کے فوری بعد بھکر اور بعد ازاں لائلپور میں جس جدو جہد کا آغاز کیا تھا وہ وزارت اور ملک کی سب سے بڑی سیاسی جماعت کے اہم عہدوںکی ذمہ داری کے ملنے تک ایک تسلسل سے جاری رہی ۔ 1977میں شہید بھٹو کی گرفتاری کے بعد جنرل ضیاء الحق نے اکتوبر میں عام انتخابات کے انعقاد کا اعلان کیا تو انتخابی میم کی قیادت کا فریضہ بیگم نصرت بھٹو نے انجام دیا وہ شہر شہر جلسے کر رہی تھیں ۔ فیصل آباد کے جلسے کے لیے ملک احمد سعید اعوان کی تجویز پر شہید محترمہ بے نظیر بھٹو کو عملی سیاست کے آغاز کے لیے فیصل آباد مدعو کیا گیا ۔اس طرح شہید بی بی نے اپنے سیاسی کیرئیر کے سب سے پہلے   تاریخ ساز جلسہ سے خطاب کیا جس کا کریڈت اعوان صاحب کو جا تا ہے ۔ضیاء دور میں انہیں قید و بند کی صعوبتیں کے ساتھ کوڑوںکی سزا کا سامنا کرنا پڑا مگر ان کی استقامت اور پارٹی سے وفادار ی میں کمی نہ آئی ۔ایم آر ڈی کی احتجاجی تحریک کو فیصل آباد ڈویژن میں منظم کر نے کے لیے بھی انہی کا کلیدی کردار تھا ۔اس ضمن میں 1985ء میں ایم آر ڈی کا ایک بہت بڑا جلسہ کروانے میں ان کی شب و روز کی محنت شامل تھی ۔13اپریل 1986ء میں لاہور کے بعد سب سے بڑا جلسہ فیصل آ باد میں ہوا تھا شہید بے نظیر بھٹو نے اس...