باب ششم: فکر اقبال کے شاعرانہ اسالیب

اقبال کی شاعرانہ شخصیت کی کلید دریافت کرنے نکلیں تو اسالیب کی نئی کہکشاں ہمارے سامنے آجاتی ہے۔ یہ اقبال کا فن ہے کہ فلسفے کو شاعری کی راہ پر چڑھا دیا۔ اقبال کو نہ لکھنوی دبستان کی پرواہ تھی اور نہ ہی دلی سے غرض ۔ اقبال شاعری کے حوالہ سے ایک خاص نقطۂ نظر رکھتے تھے۔ آپ نے اپنی شاعری سے قوم کو بیدار کرنے کا فریضہ انجام دیا جو ہر شاعر کےبس کی بات نہیں۔
ان نیک مقاصد کے لیے آپ نے فلسفہ خودی متعارف کرایا اور اس کی تکمیل کے لیے بے خودی کا فلسفہ پیش کیا۔ اس طرح فرد اور ملت کا باہم تعلق مضبوط کیا۔ اقبال نے اپنی فارسی شاعری کے ذریعے پورے ایشیاء میں بیداری کی لہر دوڑادی اور مغرب کی غلامی سے نجات کے لیے قوموں کو بیدار کر دیا۔یہ سب کام اقبال نے اندرونی جذبہ بیدار کرنے سے کیا صرف بیرونی جذبے سے قو میں انقلاب کے لیے کھڑی نہیں ہوتیں۔ لوگوں کے دلوں میں آزادی کی لہر پیدا کی پھرانقلاب کے لیے لوگ آگے بڑھنے کے لیے تیار ہوئے۔ اقبال نے اپنی شاعری کو ان نیک مقاصد کے لیے استعمال کیا۔
اقبال کی شاعری زبان و ادب کا بھی بہترین نمونہ ہے۔ اقبال نے اس میں اجتہادی فیصلے بھی کیے ہیں کہیں مقطع میں تخلص سے گریز تو کہیں مطلع سے گریز ۔ گویا مقطع کے بغیر ہی غزل ۔ اس طرح پوری غزل میں نظم کا انداز یا پھر تظلموں میں غزل کا انداز مگر اقبال نےشاعرانہ اسالیب کا استعمال نہایت ہی عمدہ انداز سے کیا ہے۔ کوئی بھی فن کا ر اپنے مطالعہ اور اپنے فن سے اپنی شاعری کو دلکش بناتا ہے مگر اقبال کا مقام ان فن کاروں سے کہیں زیادہ بلند ہے جو روزانہ شاعری کرتے نظر آتے تھے۔ اقبال ایک پیام...