اُردو شاعری کی روایت

عصر حاضر کے ادبی افق پر ڈاکٹر نصیر اسد تحقیق و تنقید کا ایک روشن ستارا ہے۔
انہوں نے سیالکوٹ میں '' اردو شاعری کی روایت '' کے حوالے سے نہایت عمدہ اور شاندار تحقیقی و تنقیدی کام کیا ہے، ڈاکٹر نصیر اسد نے خطۂ سیالکوٹ کی شعری تواریخ کو نہایت عمدہ طریقے سے محفوظ کیا ہے۔
سیالکوٹ میں اردو شاعری کی روایت بہت قدیم ہَے۔ اورنگزیب عالمگیر کے دور میں سیالکوٹ کا پہلا اردو شاعر محمد خان وامق بہت مشہور ہوا، جس کا تذکرہ سیالکوٹ کی ادبی تواریخ میں کثرت سے ملتا ہے اور معروف محقق رشید نیاز اور محمد الدین فوق نے اپنی کتب ''تاریخ سیالکوٹ '' میں محمد خان وامق کا ذکر بھی کیا ہے۔
اس کے علاوہ ڈاکٹر نصیر اسد نے بھی انہیں سیالکوٹ کے پہلے اردو شاعر کے طور پر اپنی تصنیف کا حصہ بنایا ہے، ڈاکٹر نصیر اسد کی اس تصنیف میں محمد خان وامق سے لے کر حضرت علامہ محمد اقبال تک کا ایک بھرپور شعری دور ہمارے سامنے آتا ہے۔
اگر ہم تاریخی حوالے سے دیکھیں تو سیالکوٹ میں اٹھارویں انیسویں اور بیسویں صدی میں شاندار شعری نمونے اردو ادب کی تاریخ کا حصہ بنے ہیں، حضرت علامہ محمد اقبال کے بعد شاعروں کی ایک بہت بڑی کھیپ ہمارے سامنے آتی ہے جن میں شجر طہرانی صاحب ایک اہم حوالہ ہے، سیالکوٹ میں اردو شاعری کا یہ سلسلہ آغاز سے لے کر معروف ترقی پسند شاعر فیض احمد فیض سے ہوتا ہوا عصر حاضر کے نامور شاعروں تک ایک خاص تسلسل سے پہنچتا ہے،
اس تحقیقی و تنقیدی کتاب کے مصنف ڈاکٹر نصیر اسد نے سیالکوٹ کے شاعروں کا نہ صرف تفصیلی تعارف پیش کیا ہے بلکہ ان کا نمونہ کلام بھی اپنی اس تصنیف میں شامل کیا ہے اور ان کی یہ کتاب یقینا اردو زبان کے...