Home > Nature inspired algorithm based automatic generation control of multi area network power system
Adnan Anwar
Suheel Abdullah
Department of Electrical Engineering
MS
International Islamic University
Public
Islamabad
Islamabad
Pakistan
2015
Completed
64
Electrical Engineering
English
MS 665.7015118 ADN
2021-02-17 19:49:13
2023-01-06 19:20:37
1676722233514
احمد ندیمؔ قاسمی کی رحلت
مشہور ترقی پسند ادیب و شاعر جناب احمد ندیم قاسمی طویل عرصے سے اردو کے افقِ شعر و ادب پر ضوفشاں تھے، افسوس ہے کہ ۱۰؍ جولائی کو وہ وفات پاگئے، اناﷲ وانا الیہ راجعون۔
انہیں پھیپھڑے کی تکلیف اور تنفس کا عارضہ پہلے سے تھا، اس بار دل کی بیماری میں مبتلا ہوئے اور لاہور کے پنجاب انسٹی ٹیوٹ آف کارڈیالوجی میں بڑی نگہ داشت والی یونٹ میں داخل کیے گئے تھے لیکن بیماری دل نے کام تمام کردیا اور اردو زبان نے اپنا ایک قد آور ادیب و شاعر، بڑا افسانہ نگار اور ممتاز صحافی اور کالم نگار کھودیا۔
ان کا اصل نام احمد شاہ تھا لیکن دنیائے شعر و ادب میں احمد ندیم قاسمی کے نام سے معروف ہوئے، وہ مغربی پنجاب کی وادی سون سیکسر کے گاؤں انگہ ضلع خوشاب میں ۲۰؍ نومبر ۱۹۱۶ء کو پیدا ہوئے تھے لیکن ان کے فکر و عمل کی جولان گاہ لاہور تھا اور یہی آخر میں ان کا مدفن بھی بنا۔
احمد ندیم قاسمی پنجاب یونیورسٹی سے گریجویشن کرنے کے بعد جلد ہی صحافت کے میدان میں وارد ہوئے، اس میں ان کا جوہر خوب کھلا، ان کا تعلق درجنوں اخبار اور رسائل سے رہا، ۱۹۴۳ء سے ۱۹۴۵ء تک ’’ادب لطیف‘‘ سے منسلک تھے، ۱۹۴۷ء میں ’’سویرا‘‘ کی ادارت سنبھالی، نقوش میں بھی اپنا نقش چھوڑا، امتیاز علی تاج کے رسالے ’’پھول‘‘ اور ’’تہذیب نسواں‘‘ سے وابستہ ہو کر ادب اطفال اور نسائی ادب میں اپنا سکہ جمایا، ’’امروز‘‘ ترقی پسند تحریک کا آرگن تھا، اس میں ’’پنچ دریا‘‘ کے نام سے فکاہی کالم لکھ کر اپنی خوش طبعی اور بذلہ سنجی کا ثبوت دیا اور کالم نگاری میں امتیازی درجہ حاصل کیا، وہ اس میں پنجاب کے مشہور صحافی عبدالمجید سالک کو اپنا استاد مانتے تھے، بعد میں وہ اس...