Mujahid Azam
PhD
Sarhad University of Science & Information Technology
Peshawar
KPK
Pakistan
2016
Completed
Education
English
http://prr.hec.gov.pk/jspui/bitstream/123456789/11824/1/Mujahid%20Azam%20education%20thesis%20year%202015%20.%20%20%20%2026-09-2019.pdf
2021-02-17 19:49:13
2024-03-24 20:25:49
1676724500256
اسد اﷲ کاظمی
گزشتہ مہینہ ایک اور حادثۂ وفات جناب اسداﷲ صاحب کاظمی کاپاکستان میں پیش آیا جہاں وہ اپنے اعزاسے ملاقات کی غرض سے دو ماہ پیشتر ہی گئے تھے۔مرحوم نہایت قابل اور بڑی خوبیوں کے انسان تھے۔انگریزی نہایت عمدہ لکھتے تھے ۔تعلیم کے بڑے ماہر تھے۔اترپردیش میں تعلیم کے اسسٹنٹ ڈائریکٹر رہے اس کے بعد یونیسکو کی طرف سے کم وبیش آٹھ برس تک حکومتِ عراق کے مشیر تعلیم کی حیثیت سے بغداد میں قیام پذیر رہے۔ اس سے سبکدوش ہوکر الہ آباد میں مقیم ہوگئے۔اسی زمانہ میں سنٹرل وقف کونسل کی طرف سے مسلمان طلباء کے لیے پرائمری ایجوکیشن کانصاب بنانے کے لیے ایک کمیٹی کی تشکیل ہوئی تو اگرچہ اس کی صدارت راقم الحروف کے سپرد تھی لیکن واقعہ یہ ہے کہ کاظمی صاحب مرحوم نے کمیٹی کے ایک ممبر کی حیثیت سے نہایت اہم اور مفید رول اداکیا۔وہ برابر کمیٹی کی میٹنگس میں شریک اوراس کی کارروائیوں میں پوری دلچسپی اورسرگرمی سے حِصّہ لیتے رہے اور کمیٹی کی رپورٹ اورنصاب بہت کچھ انہیں کی رہنمائی کا نتیجہ ہے۔بغداد میں رہ کرقرآن مجید اوراسلامیات پرکتابوں کے مطالعہ کابڑا شوق پیدا ہوگیا تھا۔اخلاقی اعتبارسے نہایت شریف ،بلند نظر اور بیحد ہمدرد وملنسار بزرگ تھے۔جب کبھی ملاقات ہوتی تھی راقم الحروف سے ہمیشہ قرآن مجید کے کسی حکم یاکسی آیت پرگفتگو کرتے تھے۔اﷲ تعالیٰ نے ان کو حسناتِ دینی و دنیوی سے نوازا تھا۔اب آخرت میں بھی اﷲ تعالیٰ ان کو ابرار وصلحا کامقام عطافرمائے۔ آمین۔ [ اکتوبر ۱۹۷۱ء]