Najeebullah
PhD
Northern University
Nowshera
KPK
Pakistan
2018
Completed
Education
English
http://prr.hec.gov.pk/jspui/bitstream/123456789/10163/1/Najeebullah_Edu_2018_Northern_PRR.pdf
2021-02-17 19:49:13
2024-03-24 20:25:49
1676724663696
مولانا سید مرتضیٰ حسن
افسوس ہے کہ گزشتہ ماہ میں جناب سیدمرتضیٰ حسن صاحب کم و بیش پچانوے سال کی عمر میں اپنے وطن چاندپور ضلع مرادآباد میں اورجناب نہال سیوہاروی نے کراچی میں وفات پائی۔ مولانا مرحوم اکابر علمائے دیوبند میں سے تھے۔ علاوہ علم و فضل کے بڑے خوش بیان مقرر، کامیاب مناظر اور واعظ تھے۔ تحریکِ خلافت کے زمانہ میں مرحوم کی تقریروں کی جن میں حقیقت وظرافت دونوں کاخوش گوار امتزاج ہوتاتھا ملک بھر میں دھوم تھی۔حضرت مولانا شاہ رفیع الدین صاحبؒ مہتمم اوّل دارالعلوم دیوبند سے نسبتِ روحانی تھی اور اس تقریب سے قطبِ وقت حضرت مفتی اعظم مولانا عزیز الرحمن صاحب سے تعلق ِخاص رکھتے تھے اورقطب ِعالم حضرت مولانا گنگوہیؒ کی مجلس علمی وروحانی کے مخصوص ہم نشینوں میں داخل تھے، اس لیے ذکرومراقبہ کاشغل بھی رکھتے تھے۔ ایک عرصہ تک مدرسۂ امدادیہ مرادآباد کے روح رواں رہے۔۱۹۲۰ء میں پھر دارالعلوم دیوبند کے ناظم تعلیمات ہوکرچلے گئے۔ اب ادھر پندرہ سولہ سال سے عملاً خانہ نشین ہوگئے تھے۔ خود بزرگ تھے اوربزرگوں کی نشانی تھے، سینکڑوں ہزاروں علما جن میں مولانا سید سلیمان ندوی ایسے بلند پایہ عالم بھی شامل ہیں، ان کے فیض تلمذ سے مستفید ہوئے۔حق تعالیٰ انھیں جنت الفردوس میں مقام جلیل عطافرمائے۔آمین ثم آمین۔ [جنوری۱۹۵۲ء]