1۔قتل عمد

1۔قتل عمد
"عمد کے معنی قصد اور ارادہ کے ہیں اور ظاہر ہے قصداً اور ارادہ کی خبر اس وقت تک نہیں ہو سکتی جب تک اس کی کوئی دلیل نہ پائی جائے اور وہ دلیل کا ایسے دھار دار اور مہلک ہتھیار کا استعمال کرنا ہے جو قتل کا ذریعہ بنا لہذا ایسی صور ت میں قاتل قصداً اور بلارادہ قتل کرنے والا سمجھا جائے گا۔ وہ قتل جو قصداً و ارادتاً کسی دھاری دار ہتھیار سے اور قتل کرنے کے ارادہ سے قتل کیا جائے یا ایسی چیز سے جو دھاری دار آلہ کے قائم مقام ہو، جیسے دھاری دار لکڑی ، بانس کا ٹکڑا ، پتھر کا دھاری دار کنارہ یا مثلاً آگ میں جلا دینا ، بجلی کے کرنٹ اور زہر سے ہلاک کرنا ۔ " 186
امام ابو یوسفؒ اور امام محمد ؒ قتل عمد کی تعریف یوں کرتے ہیں
"اگر کسی شخص کے کوئی ایسی چیز ماری جائےجو انسان کو ہلاک کرنے میں عام طور پر تاخیر نہیں کرتی جیسے بہت وزنی پتھر ، بہت بڑی اور بھاری لکڑی ، اس لیے کہ اتنی بڑی اور بھاری چیز مارنے سے کسی کو ہلاک کرنے کے علاوہ اور کوئی قصد نہیں ہوتا لہذا ایسی صورت میں اگر موت واقع ہو گئی تو قتل عمد کہلائے گی۔ "187

قتل عمد کے نتائج
اس قتل کانتیجہ یہ ہے کہ قا تل گناہ گار ٹھہرااور اسے عذاب کی وعید سنائی گئی ہے۔ قرآن مجید میں ہے ۔
﴿وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا﴾188
"اور جو شخص کسی مومن کو جان بوجھ کر قتل کرے تو اس کی سزا جہنم ہے جس میں وہ ہمیشہ رہے گا اس پر اللہ کا غضب اور لعنت ہے اور اللہ نے اس کے لیے...