Hafeez, Shahid
PhD
University of Agriculture
Faisalabad
Punjab
Pakistan
2011
Completed
Applied Sciences
English
http://prr.hec.gov.pk/jspui/handle/123456789/1658
2021-02-17 19:49:13
2024-03-24 20:25:49
1676726222931
پروفیسر عبدالمعید خاں
افسوس ہے گزشتہ ماہ کی ۲۵/تاریخ کوپروفیسر عبدالمعید خاں کابھی انتقال ہوگیا۔ مرحوم برصغیر کے اساتذہ ٔ عربی واسلامیات میں ایک نمایاں مقام رکھتے تھے۔ انھوں نے پہلے قاہرہ میں کئی برس مقیم رہ کر وہاں سے ڈی۔لٹ کی ڈگری لی اور پھر کیمبرج سے پی۔ایچ ڈی کیا۔اس کے بعد جامعہ عثمانیہ سے وابستہ ہوئے تو ایسے کہ ساری زندگی یہیں بیت دی۔ابھی دوتین برس ہوئے وہ صدر شعبۂ عربی کے عہدہ سے سبکدوش ہوئے تھے۔ ۳۵برس سے اسلامیات کے مشہور اوربلند پایہ سہ ماہی رسالہ’’اسلامک کلچر‘‘کے ایڈیٹر اوربارہ برس سے دائرۃ المعارف کے ناظم تھے۔ اس درمیان میں امریکہ اور یورپ کے جامعات میں وزیٹنگ پروفیسر کی حیثیت سے بھی کام کرتے رہے۔ بیرونی ممالک کے بعض سفروں میں راقم الحروف اوروہ دونوں ہم سفر تھے۔اخلاق وعادات کے اعتبار سے بہت سادہ اورمنکسر المزاج تھے۔ اگرچہ انھوں نے بہت کم لکھاہے اوراس کی وجہ یہ ہے کہ وہ شروع سے ہی خرابی صحت کاشکار تھے اوراسی سبب سے ڈاکٹروں کی ہدایت کے مطابق عمر بھرمجرد رہے، لیکن جوکچھ لکھاہے بہت سخت لکھاہے۔ عمر۶۶برس کے لگ بھگ ہوگی۔ عقیدہ اورعمل کے لحاظ سے پکے اورسچے مسلمان تھے۔ اﷲ تعالیٰ ان کو مغفرت کی نعمت سے سرفراز فرمائے۔
[اکتوبر۱۹۷۳ء]