Kanwal, Shazia
PhD
COMSATS University Islamabad
Islamabad
Islamabad.
Pakistan
2019
Completed
Mathemaics
English
http://prr.hec.gov.pk/jspui/bitstream/123456789/11910/1/shazia%20kanwal%20Maths%202019%20comsats%20isb%20prr.pdf
2021-02-17 19:49:13
2024-03-24 20:25:49
1676726259775
سی حرفی ۔۳
(ہجر فراق سوہنے یار دے وچ)
الف
اللہ دی آس تے رکھ تقویٰ، بیڑے ٹھیل دتے سوہنے یار ولّے
دنیا جگ جہان بھلا بیٹھے، رُجھ گئے ہاں یار دی کار ولّے
دن رات پئے تڑفدے وانگ مچھی، پھیرا گھت کھاں کدی بیمار ولّے
نیوں لگیاں دی لج پال یارا، ہوندا رب حنیف دکھیار ولّے
ب
بس ماہی اساں بھل گئے ہاں، مٹھے بول تے جان وکا بیٹھے
لٹے گئے ہاں تیرے خلوص اتے، کر جان جہان فدا بیٹھے
دل والڑے دلاں دا حال جانن، نال سادگی حال ونجا بیٹھے
دیویں آ دیدار حنیف تائیں، ہاڑے گھت کے رو کرلا بیٹھے
ت
تاہنگ پیاریاں جانیاں دی، ہک پل نہ صبر قرار مینوں
دل چیکدا نت اڈیکدا اے، چھڈ گئے نیں یاراں دے یار مینوں
منہ سامنے یار جواب دے گئے، آئی وڈی نصیباں دی ہار مینوں
وڈا دکھ اکلاپا حنیف یارا، جیہڑا کر گیا آن لاچار مینوں
ث
ثمر محبتاں میریاں دا، دیویں پا جھولی گنہگار تائیں
مزا اوسی محبت دا اوس ویلے، ملن آوسن یار جاں یار تائیں
تیرا ہسنا دم مسیح دا اے، دیویں ہس کے صحت بیمار تائیں
پچھے ہٹ دے نہیں حنیف عاشق، توڑ چاہڑ دے قول قرار تائیں
ج
جنت ،حور ، قصور سبھے ، دیواں وار محبوب دی خاک اتوں
خاطر جس دی کل کائنات ہوئی، کراں صدقے جان اس پاک اتوں
کرسی مہر شفاعت شفیع سرور، چھٹ جان گے غم ،غم ناک اتوں
بھیجے آپ درود حنیف مولا، سوہنا رب رحمت لولاک اتوں
ح
حوصلہ عاشقاں صادقاں دا، ہوندا نت ہے دون سوا میاں
ویکھ حوصلہ ہار دے لوک دانے، دیوے حوصلہ شوق ودھا میاں
رکھ حوصلہ لٹکدے سولیاں تے، نعرہ انالحق دا لا میاں
ملے حوصلہ تدوں حنیف تائیں، جدوں لواں محبوب نوں پا میاں