Jabeen, Mussarat
PhD
The Islamia University of Bahawalpur
Bahawalpur
Punjab
Pakistan
2016
Completed
Chemistry
English
http://prr.hec.gov.pk/jspui/bitstream/123456789/8168/1/Mussarat_Jabeen_Chemistry_HSR_2017_IUB_Bahawalpur_06.10.2017.pdf
2021-02-17 19:49:13
2024-03-24 20:25:49
1676727515888
مولانا شہاب الدین ندوی
قارئین معارف کو اس اطلاع سے نہایت رنج ہوگا کہ ان کے محبوب اور معارف کے خاص مضمون نگار مولانا شہاب الدین ندوی ۱۹؍ اپریل ۲۰۰۲ء کو سفرِ آخرت پر روانہ ہوگئے، اناﷲ وانا الیہ راجعون۔
وہ کئی برس سے موذی امراض میں مبتلا تھے اور چند ماہ سے موت و حیات کی کشمکش میں گرفتار تھے جس کی تفصیل مجھے ۳۱؍ دسمبر ۲۰۰۱ء کو اپنے والا نامہ میں اس طرح لکھی تھی۔
’’طبیعت بہت زیادہ خراب اور نڈھال رہتی ہے، کئی کئی دن بستر پر پڑا رہتا ہوں، علاج و معالجے سے کوئی فائدہ نہیں ہورہا ہے کئی قسم کے امراض میں مبتلا ہوں اور ڈاکٹر ان کی تشخیص نہیں کرپارہے ہیں، ایک بیماری ذرا دبتی ہے تو دوسری ابھر کر سامنے آجاتی ہے ان جان لیوا بیماریوں سے تنگ آچکا ہوں اور مزید طرفہ یہ کہ اب آنکھوں کی بینائی بھی مسلسل ضائع ہوتی جارہی ہے۔ داہنی آنکھ کا آپریشن ہوا مگر بینائی بڑھنے کے بجائے گھٹ رہی ہے، معلوم ہوتا ہے کہ اب میں صرف چند دن کا مہمان ہوں لیکن طبیعت جب کبھی ذرا سنبھلتی ہے تو جم کر لکھنے اور اپنے مسودات صاف کرنے بیٹھ جاتا ہوں‘‘۔
آخر وہی ہوا، خط لکھنے کے ساڑھے تین مہینے بعد وقت موعود آگیا اور مولانا کی ساری دینی، علمی اور تحقیقی سرگرمیاں ہمیشہ کے لیے بند ہوگئیں۔
مولانا کا وطن بنگلور تھا۔ میٹرک کی تعلیم یہیں ہوئی اور دینی تعلیم کی تکمیل دارالعلوم ندوۃالعلماء لکھنؤ میں کی۔ طالب علمی ہی کے زمانے سے ان کی طبیعت کا رجحان قرآنی علوم اور سائنس کی جانب ہوگیا تھا اور وہ ان میں تطبیق اور ہم آہنگی پیدا کرنا چاہتے تھے اسی لیے لکھنؤ کے بعض کالجوں کے سائنس کے اساتذہ سے ان کا ربط و ضبط ہوگیا تھا، دارالعلوم سے فراغت...