Muhammad Mazhar Abbas
PhD
Quaid-I-Azam University
Islamabad
Islamabad.
Pakistan
2017
Completed
Wireless Communications
English
http://prr.hec.gov.pk/jspui/bitstream/123456789/12852/1/Muhammad_Mazhar_Abbas_wireless_Communication_HSR_2017_QAU_12.09.2018.pdf
2021-02-17 19:49:13
2024-03-24 20:25:49
1676727750812
پروفیسر افغان اﷲ
یہ خبر افسوس ناک ہے کہ اردو کے ایک اور خدمت گزار پروفیسر افغان اﷲ خاں صاحب نے بھی اچانک آخرت کا رخت سفر باندھ لیا، ایک سمینار میں شرکت کے لیے انہوں نے دہلی کا سفر کیا تھا لیکن کیا خبر تھی کہ یہ اس دنیا کے آخری سفر کی تیاری تھی، سمینار کے پہلے روز وہ پورے نشاط کے ساتھ مختلف نشستوں میں شریک رہے، دوسرے روز دل میں درد اٹھا جس نے دنیا کے ہر دکھ سے ان کو نجات دے دی، وہ گورکھ پور یونیورسٹی کے شعبہ اردو کے صدر تھے، سکونت بھی اسی شہر میں تھی لیکن رہنے والے اصلاً وہ اعظم گڑھ کے ایک گاؤں خالص پور کے تھے شروع سے ذہین تھے، فراق گورکھ پوری پر جناب محمود الٰہی کے زیر نگرانی پی ایچ ڈی کی سند حاصل کی اور اس شان سے کہ موضوع پر یہ مقالہ خود سند بن گیا، کئی کتابیں سپرد قلم کیں، تاریخ ہند سے متعلق طراز ظہیری ان کی آخری تالیف تھی، باغ و بہار شخصیت کے مالک تھے، دارالمصنفین سے رشتہ اخلاص تھا، آخری بار وہ علامہ شبلی سمینار میں شرکت کی غرض سے یہاں آئے تھے، اتفاق ہے کہ مارچ کے معارف میں ان کا مضمون شائع ہوا، وہ ایک ہمدرد استاد، ہمدرد دوست اور ہمدرد انسان تھے، یو پی اردو اکیڈمی بھی ان کی سرگرمیوں کا مرکز تھی، گوشہ نشین اردو کے خادموں کی خدمت انہوں نے بے غرض ہو کر کی، صرف ۵۷ سال کی عمر میں ان کا اس طرح رخصت ہوجانا اردو کے لیے ہی نہیں، انسانیت اور شرافت کی دنیا کے لیے ایک بڑا حادثہ اور خسارہ ہے، خدا مغفرت فرمائے، آمین۔ ( عمیر الصدیق دریابادی ندوی ، اپریل ۲۰۰۸ء)