محمد اقبال (مونو گراف ) 2015 ء

مغربی بنگال اردو اکادمی کی جانب سے شائع ہونے والی اس مختصر تصنیف کو پروفیسر عبد الحق نے قدردان اقبال محترمہ "ممتا بز جی" وزیر اعلیٰ حکومت مغربی بنگال کے نام کیا ہے۔ پروفیسر عبد الحق نے 2009ء میں بھی علامہ اقبال پر ایک مونوگراف لکھا تھا جس کا دوسرا ایڈیشن 2014ء میں شائع ہوا ۔ اس مونوگراف کو " سارے جہاں سے اچھا " کا عنوان دیا گیا تھا۔ حرف آغاز میں پروفیسر عبد الحق نے بتایا کہ علامہ اقبال پر یہ ان کا دوسرا مونوگراف ہے۔ یہ مونو گراف پہلے سے بالکل مختلف ہے۔ پہلے والے مونو گراف کا توضیحی مطالعہ بھی باب ہذا میں شامل ہے۔ اس میں نثری موضوعات نہیں جبکہ موجودہ مونوگراف میں زندگانی ، کتابیں اور شاعری کے موضوعات دے کر نثری تفصیل ہے پھر انتخاب کے بعد نظم، غزل، رباعی اور فارسی شاعری کے عنوانات ہیں۔ ان تخلیقات میں اقبال کے فکروفن کی روح ہے۔ کوئی بھی نتخاب اس حصہ کلام کے بغیر مکمل نہیں ہو سکتا اور نہ اس کے حوالے کے بغیر اقبال کے فلسفہ وشعر پر گفتگو کی جاسکتی ہے۔ اس کے موضوعات کے تحت گفتگو اس توضیحی مطالعہ میں شامل کرتے ہیں۔