Usman Ahmad Qadri
Department of Management Sciences
Mphil
National University of Modern Languages
Public
Islamabad
Islamabad
Pakistan
2013
Management Sciences
English
2021-02-17 19:49:13
2024-03-24 20:25:49
1676728779234
مولانا شاہد فاخری الہٰ آبادی
افسوس ہے پچھلے دنوں مولانا شاہد فاخری الہٰ آبادی کاانتقال ہوگیا۔مرحوم دائرہ اجملیہ الٰہ آباد کے سجادہ نشین،خلافت تحریک کے عظیم قائد اورشعلہ بیان مقرر مولانا فاخر الٰہ آبادی کے خلف الرشید اوران کی روایات وخصوصیات کے بدرجۂ اتم حامل تھے چنانچہ انھوں نے بھی ساری عمر آزادی سے پہلے اورآزادی کے بعد کی قومی وملی تحریکات میں گزار دی۔
والدؒ کی طرح شعلہ بیان اورنہایت پُرجوش خطیب تھے۔آخر تک کانگریس اورجمعیۃ علمائے ہند سے وابستہ رہے اوراس سلسلہ میں قیدوبند کے محن سے بھی دوچار ہوئے۔ان کی زندگی سراپا ایثار وخلوص تھی۔حق بات کہنے میں نہایت جری اوربیباک تھے۔ ان کاقومی اورملی حلقوں میں بڑا احترام اوروقار تھا۔آزادی کے بعد انھوں نے جس جرأت وجسارت سے مسلم کاز کی حمایت کی وہ ان کا طغرائے امتیاز تھا۔پنڈت جواہر لال نہرو اوران کے خاندان سے ان کے ذاتی اوربے تکلفانہ تعلقات تھے۔مگر پنڈت جی کے سامنے بھی وہ حق بات کہنے میں کبھی نہیں ہچکچائے جس کی وجہ سے پنڈت جی ان کی بڑی قدرکرتے تھے۔اللھم اغفرلہ وارحمہ۔ [اکتوبر۱۹۷۵ء]