زندگانی

اقبال کی تفصیلی سوانح عمری " زندہ رود“ کی شکل میں موجود ہے جو ڈاکٹر جاوید اقبال، فرزند اقبال کی تحقیقی کاوش ہے۔ یہ مونو گراف اقبال کی مختصر سوانح پر مشتمل ہے۔ اس میں انتہائی مختصر اقبال کی زندگی کے شب و روز پر روشنی ڈالی گئی ہے تا کہ علامہ اقبال کی زندگی پر نگاہ ڈالی جاسکے۔
پروفیسر عبد الحق نے پہلے اقبال کی عظمت و برتری کا ذکر کیا ہے کہ وہ بنی نوع انسان کی فلاح و بہبود کے مخلص اور منفرد تر جمان اور انسانی عظمت و بزرگی کے نغمہ خواں ہیں ۔ اقبال ظلم کے خلاف جارحانہ انداز سے آواز بلند کرنے والے شاعر تھے۔ آپ کی آواز استحصال کے خلاف انقلابی آواز ہے۔ انیسویں صدی میں آپ شہرت اور بلندی کے جس مقام پر پہنچے وہ مقام کسی کو نصیب نہیں ہوا۔
پروفیسر عبد الحق نے اقبال کی تاریخ پیدائش اور خاندان کا تفصیلی تعارف لکھا ہے۔ محمد اقبال 9 نومبر 1877ء کو پنجاب کے شہر سیالکوٹ میں پیدا ہوئے ۔ جد امجد سپرو برہمن تھے۔ انہوں نے اسلام قبول کیا ۔ جو چرار شریف میں دفن ہیں۔ اقبال نے اشعار میں اپنے خاندان کی عظمت کا ذکر بھی کیا ہے۔ علامہ اقبال کے پردادا شیخ اکبر کسی طرح پنجاب آئے پھر ان کے دادا شیخ محمد رفیق سیال کوٹ آکر آباد ہوئے۔ ان کے بیٹے نور محمد 1837ء میں پیدا ہوئے۔ نور محمد بہت نیک اور خدا ترس انسان تھے قرآن کے مطالعے کا انہیں بہت شوق تھا۔ نماز روزہ کے علاوہ گھر میں مثنوی روم اور ابن عربی کی کتا بیں بھی پڑھی جاتی تھیں ۔ اقبال کی والدہ کا نام امام بی بی تھا۔ ان کا تعلق بھی سیالکوٹ کے ایک کشمیری گھرانے سے تھا۔ وہ بھی بہت نیک دل خاتون تھیں محلے کی بچیوں کو گھر...