آج کی علمی دنیا میں عمومی یا موضواعاتی حوالےسےموسوعات (Encyclopaedias) اور معاجم و لغات کا رجحان عام ہے۔( جیسا کہ ماضی قریب میں E J Brill, Leiden کی طرف سے مختلف موضوعاتی انسائیکلوپیڈیا تیا رکیے گئے ہیں۔) اس کا سب سے بڑا فائدہ یہ ہوتا ہے کہ کسی بھی موضوع پر وسیع و ضخیم مواد اختصار کے ساتھ سامنے آ جاتا ہے۔اور بنیادی معلومات اور بنیادی ماخذ سے بھی واقفیت ہو جاتی ہے۔ یہ علمی اور تحقیقی کاوشیں ادارہ جاتی سطح پر کی گئی ہیں۔ اس ضمن میں قرآن ، حدیث ، سیرت اور فقہ پر موسوعہ جات علمی حلقہ میں معروف ہیں۔ اگرچہ تقابل ادیان کے حوالے سے بعض جامعات میں تقابل ادیان کے مختلف موضوعات پر تحقیقی مقالات لکھے گئے ہیں۔ لیکن ادیان و مذاہب پر پاکستان میں اردو زبان میں کوئی قاموسی یا موسوعی تحقیقی کاوش منظر عام پر نہیں آئی ہے۔ مقالہ ہذا میں ایسا قاموسی مجموعہ تیار کرنا مقصود ہے۔